Një mijë e 58 euro që Qeveria e Kosovës ndau për secilin zjarrfikës u bënë “mollë sherri” mes zyrtarit të Administratës në Drejtorinë e Emergjencave në Komunën e Pejës, Gani Krasniqit dhe drejtorit të Financave në këtë komunë, Jeton Abazajt.
Për shkak se ky i fundit nuk e futi në listë për të përfituar nga kjo shumë, Krasniqi i shkoi Abazajt në zyre dhe e kërcënoi se do ta vrasë.
Drejtori i Financave tha se rastin e ka raportuar në polici dhe se pas deklaratës së tij policia e ka arrestuar zyrtarin e Administratës së Emergjencave.
Abazaj thotë se Krasniqi ka shkuar në zyrën e tij dhe e ka kërcënuar se “do t’ia fusë plumb në kokë”.
“Debati ka ndodhë për një vendim të qeverisë që ne e kemi zbatuar si komunë dhe i akuzuari në këtë rast është ankuar kinse unë ia kam bërë të padrejtë, nuk e kam fut në listë për pagesën e zjarrfikësve, kur ai nuk ka qenë zjarrfikës, por ka punu në administratë.
Të njëjtën lëndë, kur ka pretendu se i është bërë e padrejtë e ka dërgu edhe në Krimet Ekonomike. Unë u kam raportu edhe Krimeve Ekonomike për këtë punë.
Ai nuk është mjaftu me këtë punë dhe vjen më kërcënon në vendin e punës, me fjalë ‘do ta fusë plumb në kokë’. Në mesin e tre-katër dëshmitarëve në korridor e ka fut dorën në brez, kinse do ta nxjerrë armën”, ka thënë Abazaj për Sinjalin.
Drejtori i Financave thotë se ai nuk ka pasur të drejtë të përfshijë edhe Krasniqin në listën e këtyre pagesave, pasi që vendimi i qeverisë vlen vetëm për zjarrfikësit, kurse ai nuk është zjarrfikës.
“Atij nuk i ka taku ajo pagesë, unë nuk kam pasë të drejtë as me e fut në listë, edhe nëse kisha dashtë. Vendimi i kryeministrit Hoti para katër javësh ua ndan zjarrfikësve në të gjithë territorin e Republikës së Kosovës 1 mijë e 58 euro.
Ai nuk është zjarrfikës, punon në Drejtorinë e Emergjencave, por nuk punon në terren, Vetë drejtori i Zjarrfikësve në Pejë nuk e ka fut në listë emrin e tij, se nuk i takon, me plotë të drejtë , se ai nuk është AMES dhe ai ankohet në prokurori në Krimet Ekonomike më herët.
Tri-katër javë ndodhë ky debati i djeshëm, pikërisht për këtë punë, në fakt kërcënimi. Zyrtari Punon në Administratën e Drejtorisë së Emergjencave”, përfundoi Abazaj.
Ndërkaq, zëdhënësi i policisë për rajonin e Pejës, Fadil Gashi, ka deklaruar se Krasniqi pas intervistimit, me urdhër të prokurorit, është ndaluar për 48 orë.
“E ka kërcënu drejtorin e Financave në zyre dhe është arrestuar, si dhe është intervistuar. Pas intervistimit, me urdhër të prokurorit, është ndaluar për 48 orë”, tha Gash
